RTE Gujarat Admission 2026-27: તમારા બાળકને પ્રાઈવેટ સ્કૂલમાં મફત ભણાવો! ફોર્મ ભરાવવાની તારીખ અને ડોક્યુમેન્ટ લિસ્ટ

વાલીઓ માટે ખુશખબર: શું તમે તમારા બાળકને કોઈ પણ ફી ભર્યા વગર શહેરની સારી પ્રાઈવેટ સ્કૂલમાં ભણાવવા માંગો છો? તો તૈયાર થઈ જાઓ! ગુજરાત સરકારના શિક્ષણ વિભાગ દ્વારા RTE (Right to Education) Admission 2026-27 ની પ્રક્રિયા ટૂંક સમયમાં શરૂ થવા જઈ રહી છે.

સૂત્રો મુજબ ફેબ્રુઆરી 2026 ના અંત સુધીમાં ઓફિશિયલ જાહેરાત આવી જશે અને માર્ચ 2026 થી ઓનલાઇન ફોર્મ ભરાવવાના શરૂ થશે. જો તમે છેલ્લી ઘડીની દોડધામથી બચવા માંગતા હોવ, તો અત્યારથી જ આટલા ડોક્યુમેન્ટ્સ તૈયાર કરી લો.

મહત્વની તારીખો (Tentative Dates 2026)

કોને મળશે પ્રવેશ? (Eligibility Criteria)

1. ઉંમર મર્યાદા (Age Limit)

તમારા બાળકની ઉંમર 1 જૂન 2026 ના રોજ 6 વર્ષ પૂરા થયેલા હોવા જોઈએ. (મતલબ કે બાળકનો જન્મ 1 જૂન 2020 પહેલા થયેલો હોવો જોઈએ).

2. આવક મર્યાદા (Income Limit)

• શહેરી વિસ્તાર માટે: વાર્ષિક આવક ₹1,50,000 થી ઓછી.
• ગ્રામ્ય વિસ્તાર માટે: વાર્ષિક આવક ₹1,20,000 થી ઓછી.
• (નોંધ: અમુક ખાસ કેટેગરી માટે આવક મર્યાદા વધુ હોઈ શકે છે, જેની વિગત ઓફિશિયલ નોટિફિકેશનમાં હશે.)

અત્યારે જ તૈયાર રાખો આ ડોક્યુમેન્ટ્સ (Documents List)

ઘણા વાલીઓના ફોર્મ માત્ર એટલા માટે રિજેક્ટ થાય છે કારણ કે તેમના ડોક્યુમેન્ટ અપડેટ નથી હોતા. નીચેનું લિસ્ટ ચેક કરી લો:

1. બાળકનું જન્મનું પ્રમાણપત્ર (Birth Certificate): મ્યુનિસિપાલિટી અથવા પંચાયતનું.
2. રહેઠાણનો પુરાવો (Address Proof): આધાર કાર્ડ / લાઈટ બિલ / વેરા બિલ / ભાડા કરાર (રજીસ્ટર્ડ). (નોંધ: આધાર કાર્ડ અને ફોર્મમાં સરનામું એકસમાન હોવું જોઈએ).
3. આવકનો દાખલો (Income Certificate): મામલતદારશ્રી અથવા તાલુકા વિકાસ અધિકારીનો. (તારીખ 01/04/2025 પછીનો હોવો જોઈએ).
4. જાતિનો દાખલો (Caste Certificate): જો તમે OBC, SC અથવા ST કેટેગરીમાં આવતા હોવ તો.
5. બાળકનો પાસપોર્ટ સાઈઝ ફોટો.
6. બાળક અને વાલીનું આધાર કાર્ડ.
7. બેંક પાસબુક: વાલી અથવા બાળકના નામની.

પ્રો-ટીપ: તમારો આવકનો દાખલો જો જૂનો હોય (3 વર્ષ પૂરા થઈ ગયા હોય), તો અત્યારે જ નવો કઢાવી લો જેથી છેલ્લી ઘડીએ દોડવું ન પડે.

કોને પ્રવેશમાં પહેલા તક મળે? (Priority List)

સરકારે પ્રવેશ માટે એક અગ્રતા ક્રમ નક્કી કર્યો છે:

1. અનાથ બાળકો.
2. સંભાળ અને સંરક્ષણની જરૂરિયાતવાળા બાળકો.
3. બાળગૃહના બાળકો.
4. બાળ મજૂર / સ્થળાંતરિત મજૂરના બાળકો.
5. દિવ્યાંગ બાળકો.
6. શહીદ જવાનના બાળકો.
7. BPL કાર્ડ ધારક (0 થી 20 આંક).
8. SC / ST કેટેગરી.
9. OBC કેટેગરી.
10. જનરલ કેટેગરી.

ઓનલાઇન ફોર્મ કેવી રીતે ભરવું? (Step-by-Step)

• Step 1: ઓફિશિયલ વેબસાઈટ rte.orpgujarat.com પર જાઓ.
• Step 2: “Online Application” પર ક્લિક કરી ‘New Registration’ કરો.
• Step 3: બાળકની વિગતો (નામ, જન્મ તારીખ) આધાર કાર્ડ મુજબ જ નાખો.
• Step 4: તમામ ડોક્યુમેન્ટ્સ (ફોટો, સહી, દાખલા) અપલોડ કરો.
• Step 5: તમારા વિસ્તારની નજીકની શાળાઓ પસંદ કરો (વધુમાં વધુ શાળાઓ પસંદ કરવી જેથી નંબર લાગવાનો ચાન્સ વધે).
• Step 6: ફોર્મ ‘Confirm’ કરો અને પ્રિન્ટ કાઢી લો.

Official Links

FAQs: વાલીઓના મુંઝવતા પ્રશ્નો

Q1: શું RTE માં એડમિશન માટે બાળકની કોઈ પરીક્ષા લેવાય છે?
Ans: ના, RTE હેઠળ પ્રવેશ માટે કોઈ ઇન્ટરવ્યૂ કે પરીક્ષા લેવામાં આવતી નથી. પ્રવેશ પ્રક્રિયા સંપૂર્ણ પારદર્શક રીતે કોમ્પ્યુટર ડ્રો સિસ્ટમ દ્વારા થાય છે.

Q2: આવકનો દાખલો કેટલો જૂનો ચાલે?
Ans: સામાન્ય રીતે 1 એપ્રિલ 2025 પછી કઢાવેલો નવો દાખલો જ માન્ય રાખવામાં આવે છે. અથવા જો ત્રણ વર્ષની મુદત વાળો હોય અને તે ચાલુ હોય તો ચાલે.

Q3: જો ભાડાના મકાનમાં રહેતા હોઈએ તો શું કરવું?
Ans: તમારે ‘રજીસ્ટર્ડ ભાડા કરાર’ (Registered Rent Agreement) રજૂ કરવો પડશે. નોટરી વાળો ભાડા કરાર હવે માન્ય રહેતો નથી.